روغتيا او ژوند

د خولې ناوړه بوی له منځه وړلو درې اسانه، ارزانه او طبیعي لارې

د خولې ناوړه بوی چې په طب کې هليټوسېس (Halitosis) بلل کېږي هغه روغتیايي حالت دی چې د نړۍ ۳۰ سلنه وگړي پرې اخته دي. دغه روغتیايي ستونزه د اغېزمنو کسانو پر ځان باور هم اغېزمنوي.

د خولې ناوړه بوی د مختلفو لاملونو له امله لکه د وریو ناروغي، د غاښونو سوري، د خولې کمزوري حفظ الصحه، سگرېټ څښل او داسې نور چې انسانو کې عام وي پېښېږي.

خو د خولې ناوړه بوی تر ټولو ستر لامل هغه باکتریا دي چې د غاښونو ترمنځ یا د ژبې شاتنۍ برخه کې ټوليږي.

د خولې ناوړه بوی کنټرولولو لپاره د خولې عمومي روغتیا او پاکوالي ته ځانگړې پاملرنه ډېره اړینه ده.

د خولې ناوړه بوی لپاره کورني درمل

۱- د مڼې سرکه

د مڼې سرکه د تېزاب توازن برابرولو ځانگړنه لري چې له همدې امله د خولې ناوړه بوی لپاره ډېره اغېزناکه ثابتېږي.

لارښوونې:

– یوه کاچوغه اومه او غیر فلټر شوې د مڼې سرکه یو گېلاس اوبو سره گډ کړئ،

– له خوړلو وړاندې يي وڅښئ. د مڼې سرکه د خوړو په هضم کې مرسته او د خولې بد بوی درملوي.

۲- لونگ

لونگ د باکتریا ضد هغه ځانگړنې لري چې د خولی بد بوی له منځه وړي.

لومړۍ کړنلاره:

– تر ټولو اسانه کړنلاره دا ده چې څو دانې لونگ په خوله کې واچوئ،

– او ښه يي وژوئ. د لونگ ژول به یوازې څو دقېقو کې د خولې بد بوی له منځه یوسي.

دوهمه کړنلاره:

– دوهمه کړنلاره د لونگ چای جوړول دي. دغې موخې لپاره یو گېلاس اوبه وایشوئ،

– یوه کاچوغه میده شوې لونگ په کې اضافه کړئ،

– د ۵-۱۰ دقېقو پورې حرارت ورکړئ،

– دغه چای وڅښئ او یا د ورځې دوه ځلي مو خوله پرې وومینځئ.

۳- لیمو

لیمو هم د مېکروب او باکتریا ضد خواص لرلو له امله د خولې بد بویي له منځه وړلو کې د پام وړ مرسته کولای شي. له دې سربېره لیمو د باکتریا او د هغوی اغېز له منځه وړلو وړتیا هم لري. له همدې امله د خولې بد بوی له منځه وړلو لپاره لیمو وازموئ.

لارښوونې:

۱- یو گېلاس اوبو کې یو لیمو اوبه اضافه کړئ،

۲- خپله خوله د ټولو باکتریاو له منځه وړلو لپاره له دغه محلول سره وومینځئ.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون