افغانستان سلايډ (فيچر)

د امریکا لوی درستيز په نااعلان شوي سفر کابل ته راغلی

د امريکا لوی درستيز جنرال جوزف ډانفورډ

د امریکا لوی درستيز جنرال جوزف ډنفورډ په نااعلان شوي سفر کابل ته راغلی دی.

د  راپورونو له مخې جنرال دنفورډ به په کابل کې د افغان چارواکو سربېره په افغانستان کې د امریکايي او ناټو پوځيانو له مشرانو سره وگوري.

امریکايي رسنيوو د جنرال جوزف له خولې ليکلي، چې د افغانستان او سويلي اسيا په تړاو د امریکا سټراټيژي بايد په بشپړه توگه عملي شي.

ټاکل شوې، چې د امریکا لوی درستيز په افغانستان کې د امریکايي سرتېرو د پوځي ماموريت په اړه له خپلو پوځيانو سره وگوري.

د افغانستان ولسمشر اشرف غني او په افغانستان کې د امریکايي او ناټو ځواکونو مشر قومندان جنرال جان نيکلسن په خپلو وروستيو څرگندونو او ناستو کې ژمنه کړې، چې د ولسمشر ټرمپ سټراټيژي به په کامله توگه عملي کوي.

تېره اوونۍ د امریکا دفاع وزارت جيمز مټيس هم په نا اعلان شوي سفر کابل ته راغلی و او دلته يې له ولسمشر غني، اجراييه رييس عبدالله او جنرال نيکلسن سره د افغانستان د روانې جگړې او له طالبانو سره د سولې په اړه خبرې کړې وې.

په تېره يوه اوونۍ دا دوهم ستر امريکايي چارواکی دی، چې کابل ته سفر کوي.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون