افغانستان خبر

مېمله کې یو ځل بیا افغان ځواکونو ۶ ملکیان وژلي‌

د ننگرهار په خوږیاڼو کې افغان ځواکونو په هغه سیمه کې یو ځل بیا عملیات کړي،‌ چې دوه ورځې وړاندې یې په کې ۴ ملکیان وژلي‌ وو او په نننیو عملیاتو کې یې هم ۶ ملکیان وژلي دي.

د ننگرهار ولایت ویاند عطاالله خوږياڼي هم منلې چې د خوږیاڼو په مېمله کې د عملیاتو پر مهال ۶ ملکیان وژل شوي‌ او درې شکمن کسان د امنیتي‌ ځواکونو له لوري نیول شوي دي.

د ولایت ویاند وایي، د عملیاتو موخه وسله‌والو وو،‌ چې زیان هم ورته اوښتی او ۱۸ موټر او ۶ موټرسایکل ېې هم سوزول شوي دي.

د سیمې اوسیدونکي وايي، په وژل شویو کسانو کې یو پولیس هم شامل دی، چې د رخصتۍ لپاره کورته راغلی و.

د نواب خان په نوم یوه کس ویلي، چې امنیتي‌ ځواکونو په لوی کلي کې د علاوالدین په نوم هټیوال او د نور وهاب په نوم یو پولیس چې په رخصتۍ کورته راغلی و وژلي دي.

د نوموړي‌ په وینا د عربانو بازار کې د تیلو د یوه پمپ څلور مزدوران هم په وژل شویو کسانو کې شامل دي.

یو شمېر نورو کسانو هم ویلي، چې د امنیتي سرتیرو په عملیاتو کې ملکیانو ته مرگ ژوبله اوښتې او وسله‌والو ته هیڅ‌ زیان نه دی اوښتی.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون